Linjë kredie për SME
Kodi: SF-21-0003
Tipi i Skemës Financiare
Kredi/Garanci
Kategoria
NVM/Ndërmarrje të Vogla dhe të Mesme
Industri
Të gjitha
Data e Fillimit
Data e Përfundimit
Statusi
Jo Aktive
Max i financimit
€500.000
Përfitime
1. Kur vlera për projekt shkon nga 50,000 euro deri në 500,000 euro (grupi i synuar do jenë Ndërmarrje të Vogla dhe të Mesme ekzistuese):
- Jo më pak se 70% e vlerës së financuar të projektit do të përdoret për blerje: makineri, pajisje, teknologji, asistencë teknike, licenca industriale, mirëmbajtje, pjesë këmbimi dhe lëndë e parë me origjinë italiane.
- Jo më shumë se 10% e kredisë mund të përdoret për blerjen e lëndës së parë që lidhet me investimin kryesor.
- Jo më shumë se 30% e kredisë mund të përdoret për mbulimin e kostove lokale ose nga vende të tjera fqinje në zhvillim.
2. Kur vlera për projekt shkon nga 15,000 euro deri në 50,000 euro (grupi i synuar do jetë Ndërmarrje Mikro, të Vogla dhe të Mesme të krijuara rishtas (Start-Up ose ekzistuese):
- Jo më pak se 40% e kredisë do të përdoret për blerje: makineri, pajisje, teknologji, asistencë teknike, licenca industriale, mirëmbajtje, pjesë këmbimi dhe lëndë e parë me origjinë italiane.
- Jo më shumë se 60% e kredisë mund të përdoret për mbulimin e kostove lokale ose nga vende të tjera fqinje në zhvillim.
Përshkrim
Linja e kredisë prej 60 milionë euro e Qeverisë Italiane për SME-të parashikon dhënien e një norme interesi dhe një afati shlyerjeje më të favorshëm se ato të tregut për SME-të që duan të blejnë mallra dhe shërbime me origjinë italiane. Qasja në Linjën e Kredisë rregullohet nga bankat dhe institucionet financiare jo bankë, që marrin pjesë në Program, d.m.th. institutet kredidhënëse që kanë nënshkruar Marrëveshjen e Huas (On Lending Agreement) me MFE.
Në këtë mënyrë, vlerësimi financiar i kërkesës për financim zhvillohet në autonomi të plotë nëpërmjet bankave pjesëmarrëse në program. Projekti i vlerësuar prioritar, përfiton: 2 vjet periudhë “Grace”, mospagim të principalit (paguhet vetëm interesi); Mbulim me garanci, nga Fondi i Garancisë deri në 60% të shumës së kredisë së kërkuar.
Objektivat
Objektiv kryesor është zhvillimi i NMVM-ve Shqiptare, duke financuar projekte për investime, zgjerimin e biznesit ose për të përmirësuar teknologjinë.
Pranueshmëria
Për SME-të:
- Shoqëria është e rregjistruar në Shqipëri;
- Jo më pak se 51% e kapitalit të shoqërisë zotërohet nga shtetas shqiptar;
- Qarkullimi vjetor jo më i lartë se 10 milionë euro;
- Numri i punonjësve jo më shumë se 250.
Metoda e Aplikimit
Pasi të shtypni butonin "Shko tek Thirrja", lexoni me kujdes detajet e thirrjes, gjeni faqen e duhur, dhe lexoni me vëmendje mënyrën e aplikimit, çfarë ju kërkohet, çfarë dokumentesh, dhe ndonjë element tjetër specifik. Çdo thirrje ndryshon nga donatori në donator, ndaj duhet të jeni të kujdesshëm dhe të vëmendshëm. Shumica e thirrjeve kanë dhe një seksion për “Pyetje dhe Përgjigje”, apo seksion kontakti.
Për çdo informacion shtesë mos hezitoni të na kontaktoni tek [email protected]. Një punonjës i kujdesit dhe mbështetjes së NVM-së do ju kontaktojë brenda kohës. Ju faleminderit!