NOSTRADAMUS Open Call #1 – Financimi i Aplikacioneve Digjitale për një Bujqësi të Qëndrueshme dhe Efikase

Tipi i Skemës Financiare

Grante

Kategoria

NVM/Start-up

Industri

Bujqësi, AgriTech, Teknologji dixhitale, Inteligjenca Artificiale, Siguri ushqimore, Teknologji satelitore, IoT

Data e Fillimit

29.09.2026

Data e Përfundimit

02.12.2026

Statusi

Aktive

Min i financimit

€0

Max i financimit

€50.000

Përshkrim

NOSTRADAMUS Open Call #1 është një thirrje financimi e mbështetur nga Bashkimi Evropian në kuadër të programit Horizon Europe, që synon zhvillimin e aplikacioneve digjitale inovative për një bujqësi më efikase, të qëndrueshme dhe rezistente ndaj ndryshimeve klimatike.

Thirrja përzgjedh 5 projekte që mund të përfitojnë deri në €50.000 secili, me një kohëzgjatje zbatimi prej 12 muajsh.

Projektet duhet të zhvillojnë aplikacione digjitale me burim të hapur (Open Source), të cilat mbështesin fermerët në marrjen e vendimeve të bazuara në të dhëna.

Thirrja fokusohet në pesë fusha:

• Prodhimi i qëndrueshëm bujqësor: Optimizimi i kultivimit të drithërave dhe përshtatja ndaj ndryshimeve klimatike.

• Menaxhimi i tokës: Përmirësimi i pjellorisë, ushqyesve dhe përdorimit të plehrave.

• Menaxhimi i ujit: Monitorimi i lagështisë së tokës dhe parandalimi i thatësirës përmes IoT.

• Dëmtuesit dhe sëmundjet: Zhvillimi i sistemeve për identifikimin dhe parashikimin e tyre.

• Tema e hapur: Zgjidhje digjitale që kombinojnë të paktën dy nga temat e mësipërme.

Programi zhvillohet në katër faza:

1. Trajnimi (Muajt 1–2): Trajnime dhe njohje me infrastrukturën e projektit.

2. Projektimi (Muajt 3–4): Hartimi i zgjidhjes dhe kërkesave teknike.

3. Zhvillimi dhe validimi (Muajt 5–10): Zhvillimi, testimi dhe validimi i aplikacionit.

4. Demonstrimi (Muajt 11–12): Prezantimi dhe vlerësimi i rezultateve.

Financimi prej €50.000 ndahet sipas fazave: 10% për trajnimin, 25% për projektimin, 40% për zhvillimin dhe validimin dhe 25% për demonstrimin përfundimtar.

Projektet duhet të kenë nivel fillestar teknologjik TRL 4 dhe të synojnë arritjen e TRL 7.

Objektivat

• Nxitja e inovacionit digjital në sektorin bujqësor.

• Përmirësimi i efikasitetit dhe qëndrueshmërisë së prodhimit bujqësor.

• Zhvillimi i aplikacioneve për vendimmarrje të bazuar në të dhëna.

• Optimizimi i përdorimit të tokës, ujit dhe plehrave.

• Zhvillimi i sistemeve për monitorimin e dëmtuesve dhe sëmundjeve.

• Promovimi i teknologjive IoT dhe të dhënave satelitore në bujqësi.

• Përmirësimi i sigurisë ushqimore dhe rezistencës ndaj ndryshimeve klimatike.

• Forcimi i bashkëpunimit ndërmjet bizneseve, universiteteve dhe organizatave kërkimore.

• Mbështetja e zhvillimit të zgjidhjeve Open Source për bujqësinë.

Pranueshmëria

Të pranueshëm:

• Subjekte juridike të regjistruara në BE ose në vendet e asociuara me Horizon Europe, përfshirë Shqipërinë.

• Ndërmarrje të vogla dhe të mesme (NVM), startup-e dhe Small Mid-Caps.

• Organizata kërkimore, universitete dhe organizata që përfaqësojnë fermerët, vetëm si partnerë në konsorcium.

• Aplikime individuale nga një biznes ose konsorciume me maksimumi dy subjekte juridike.

• Në rast konsorciumi, koordinatori duhet të jetë biznesi që zhvillon zgjidhjen.

• Projektet duhet të kenë kapacitete teknike për zhvillimin e aplikacioneve digjitale dhe nivel TRL 4–7.

Konsiderata të përgjithshme:

• Aplikacionet duhet të jenë me burim të hapur (Open Source).

• Çdo aplikant mund të marrë pjesë vetëm në një aplikim.

• Projektet duhet të përputhen me një nga pesë temat e thirrjes.

• Duhet të përdoret infrastruktura teknologjike e NOSTRADAMUS.

• Individët pa subjekt juridik të regjistruar nuk janë të pranueshëm.

• Propozimet duhet të dorëzohen në gjuhën angleze.

• Nuk lejohet financimi i dyfishtë për të njëjtat aktivitete.

Donatorë

Bashkimi Evropian – Horizon Europe

Zbatues / Partner

NOSTRADAMUS Consortium – ERATOSTHENES Centre of Excellence dhe F6S Network Ireland

Metoda e Aplikimit