Wood2Value – Wood Waste Management Support Scheme

Tipi i Skemës Financiare

Grante

Kategoria

NVM/Ndërmarrje të Vogla dhe të Mesme

Industri

Përpunim druri, Menaxhim i mbetjeve të drurit, EKONOMI QARKULLUESE, Riciklim, Efikasitet të burimeve, Teknologji e gjelbërt, Prodhim industrial

Data e Fillimit

17.07.2026

Data e Përfundimit

16.08.2026

Statusi

Aktive

Min i financimit

€0

Max i financimit

€100.000

Përshkrim

Thirrja "Wood2Value – Wood Waste Management Support Scheme" zbatohet në kuadër të projektit EU4 Circular Economy and Livable Cities (EU4CELC) dhe synon të mbështesë bizneset shqiptare të sektorit të përpunimit të drurit përmes investimeve praktike që përmirësojnë menaxhimin e mbetjeve të drurit dhe rrisin përdorimin e tyre produktiv sipas parimeve të ekonomisë qarkulluese.

Skema është krijuar pas një vlerësimi të tregut të zhvilluar me kompani të përpunimit të drurit, prodhues peletesh, bashki dhe aktorë të tjerë të sektorit, i cili identifikoi sfida si mungesa e pajisjeve moderne, kostot e larta të transportit, mungesa e bashkëpunimit ndërmjet sektorit privat dhe pushtetit vendor, si dhe nënshfrytëzimi i mbetjeve të drurit.

Programi financon investime në:

• Makineri dhe pajisje për grumbullimin, copëtimin, përpunimin dhe rikuperimin e mbetjeve të drurit (chippers, shredders, pajisje për pelet, briketa, panele druri etj.).
• Modernizimin ose zgjerimin e linjave ekzistuese të prodhimit për të rritur efikasitetin dhe rikuperimin e mbetjeve.
• Teknologji inovative që përmirësojnë përdorimin produktiv të mbetjeve të drurit.
• Projekte që mundësojnë përpunimin e mbetjeve të krijuara nga vetë kompania ose të mbledhura nga kompani të tjera apo bashki.

Mbështetja financiare ofrohet përmes një mekanizmi bashkëfinancimi, ku GIZ financon deri në 50% të kostos së pranueshme, ndërsa përfituesi duhet të sigurojë të paktën 50% kontribut financiar nga burimet e veta ose financime private.

Aplikimet dorëzohen online në platformën Circular Hub, në gjuhën angleze.

Objektivat

• Përmirësimi i menaxhimit të mbetjeve të drurit në Shqipëri.
• Rritja e përdorimit produktiv të mbetjeve të drurit.
• Mbështetja e investimeve në teknologji moderne dhe inovative.
• Rritja e efikasitetit të burimeve.
• Transformimi i mbetjeve të drurit në produkte me vlerë të shtuar.
• Forcimi i konkurrueshmërisë së sektorit të përpunimit të drurit.
• Promovimi i ekonomisë qarkulluese.
• Nxitja e bashkëpunimit ndërmjet bizneseve dhe bashkive.
• Demonstrimi i zgjidhjeve praktike që mund të replikohen në sektor.

Pranueshmëria

Të pranueshme:

• Kompani private të regjistruara ligjërisht në Shqipëri.
• Biznese që operojnë në sektorin e përpunimit të drurit.
• Kompani që gjenerojnë, mbledhin, rikuperojnë ose përpunojnë mbetje druri.
• Biznese me status aktiv në QKB.
• Kompani që nuk janë në falimentim, likuidim ose procedura për shkak të detyrimeve të papaguara.
• Subjekte që disponojnë licencat ose lejet mjedisore të kërkuara sipas legjislacionit shqiptar, kur investimi e kërkon.
• Projekte që kontribuojnë në përmirësimin e menaxhimit të mbetjeve të drurit dhe përmbushin objektivat e skemës.

Jo të pranueshme:

• TVSH, dogana, taksat dhe tarifat shtetërore.
• Borxhet, interesat, gjobat ose penalitetet.
• Investime të financuara nga një burim tjetër.
• Blerja e tokës ose ndërtesave.
• Kostot e qirasë.
• Rikonstruksione të mëdha ndërtimore.
• Kostot operative (pagat, karburanti, energjia, mirëmbajtja, shpenzimet e zyrës).
• Hua ose financim për palë të treta.
• Pagesa cash nga llogaria e projektit.
• Investime që nuk lidhen drejtpërdrejt me projektin e miratuar.
• Kontribute në natyrë (pajisje ekzistuese, ndërtesa, tokë, materiale ose kohë stafi) si bashkëfinancim.

Donatorë

Bashkimi Europian (BE)

Zbatues / Partner

GIZ Albania në kuadër të projektit EU4 Circular Economy and Livable Cities (EU4CELC)

Metoda e Aplikimit